9T NEWS

  اسلام آباد (9T NEWS )پاکستان تحریک انصاف نے رکن قومی اسمبلی نور عالم خان کو پارٹی رہنماوں پر تنقید کرنے پر شو کاز نوٹس جاری کرنے کا فیصلہ کر لیاہے ۔ تفصیلات ک ے مطابق رکن قومی اسمبلی نور عالم خان کو پی ٹی آئی خیبر پختون خوا کے صدر پرویز خٹک شوکاز نوٹس جاری کر یں گے ،انہیں پارٹی پالیسی کے خلاف بیان دینے پر شوکاز جاری کیا جائے گا۔نور عالم خان نے قومی اسمبلی کے اجلاس میں پارٹی رہنماوں پر تنقید کی تھی جس پر پی ٹی آئی کی سینئر قیادت نے نوٹس لے لیاہے ۔

  فیصل آباد (9ٹی نیوز ) وزیر اعظم کے معاون خصوصی برائے سیاسی روابط ڈاکٹر شہباز گل نے دعویٰ کیا ہے کہ شریف خاندان  کے چار لوگوں کیلئے ڈیل مانگی جا رہی ہے۔ میڈیا سے گفتگو کرتے ہوئے انہوں نے کہا کہ چار لوگوں کیلئے ڈیل مانگی جا رہی ہے اور کہا جا رہا ہے کہ شہباز شریف  اور مریم نواز کو باہر جانے دیں۔ جن لوگوں کیلئے ڈیل مانگی جا رہی ہے ان میں شہباز شریف، ان کا بیٹا، نواز شریف اور ان کی بیٹی شامل ہیں۔  شاہد خاقان عباسی پاکستان میں ہی رہیں گے۔ انہوں نے واضح کیا کہ شریف فیملی کو ڈیل نہیں دی جائے گی، یہ چکن برگر مانگ رہے ہیں ، ہم انہیں ابلا ہوا آلو بھی نہیں دیں گے، ان کے سامنے عمران خان کھڑا ہے، احتساب ہوگا اور شہباز شریف سلاخوں کے پیچھے ہوں گے